Sipas Shërbimit Meteorologjik Ushtarak, për ditën e sotme parashikohet përmirësimi gradual i kushteve atmosferike për vendin tonë.
Moti parashikohet me kthjellime si dhe alternime vranësirash kalimtare nga orët e mesditës deri ato të pasdites, më të theksuara në zonën e veriut.
Në zonën e veriut vranësirat do të shoqërohen me reshje shiu me intensitet të ulët dhe në relievet malore të kësaj zone përkohësisht reshjet do të marrin karakter shtrëngatash me rrebeshe shiu e breshëri lokale. Shtrëngata shiu afatshkurtra në orët e mesditës parashikohen gjithashtu edhe në relievet malore në pjesën tjetër të vendit.
Era do të fryjë nga kuadrati i veriut me shpejtësi mesatare 1-8m/s e hera herës përgjatë vijës bredgetare deri në 12m/sek. Valëzimi në dete parashikohet i forcës 1-2 ballë. Temperaturat parashikohen nga 10 gradë Celcius në vlerat minimale deri në 31° gradë Celcius në vlerat e mesditës.
