Afati i ri për garancinë sovrane/ Bizneset e mëdha mund të aplikojnë deri në 30 qershor

Pinterest LinkedIn Tumblr +

Të gjithë bizneset e mëdha që duan të marrin kredi në banka me garanci shtetërore kanë afat deri më 30 qershor të këtij viti për të aplikuar.

 

Ministria e financave miratoi kërkesën e shoqatës së bankave për ta shtyrë periudhën e vlefshme, me 6 muaj. Kjo shtyrje sipas ministrisë do ti vijë në ndihmë sipërmarrjes për të rimëkëmbur aktivitetin e tyre ekonomik.

 

Advertisement

Ministria argumenton se nevoja e kompanive për të përfituar nga kjo skemë është e lartë dhe se shumë aplikime janë në proces vlerësimi nga bankat e nivelit të dytë.

 

Deri në fund të vitit 2020, 308 biznese kanë qenë përfitues të skemës me një vlerë kredie prej  9 miliard lekë. Kjo skemë mbulon 60%  vlerës së kredisë, ndërsa  pjesën tjetër duhet ta garantojë vetë subjekti.

 

Advertisement

E thënë ndryshe deri më tani nga garancia sovrane 2 është përdorur vetëm 30 % e vlerës, pra 5 miliard lekë nga 15 që është totali. Komiteti I sipërmarrjes është ankuar se kjo skemë nuk është efektive pasi normat e interesit nuk janë favorizuese nga bankat e nivelit të dytë. Nga ana tjetër shumë kompani që janë në vështirësi financiare vështirë se mund të përfitojnë nga kjo skemë.

Share.

Comments are closed.

Copyright © 2022 Struga.info | Privacy policy