Agron Shehaj, deputet dhe pjese e Komisionit te Rithemelimit thote se pakicën e Bashës tashmë e kontrollon plotësisht Edi Rama.
Sipas tij, PD nuk eshte as godina e kyçur as karrigia e kryetarit, por jane qytetaret dhe demokratet e zakonshem.
“Për disa, ky është fundi i opozitës, por kjo nuk është e vërtetë.PD-ja nuk është as vula, as godina e kyçur dhe as karrigia e kryetarit. Partia Demokratike janë qytetarët e zakonshëm të këtij vendi, anëtare dhe votues, që nuk dorëzohen përballë padrejtësive dhe korrupsionit, që besojnë në lirinë dhe demokracinë që me aq mund e sollën vetë dikur.Tashmë gjërat janë të qarta: Demokratët dhe të gjithë, tani dallojnë mirë nga një anë opozitën-fasadë dhe njerëzit e përdorur nga Rama dhe nga ana tjetër, opozitën e vërtetë dhe opozitarët që nuk shiten.”
Ne duhet të ndërtojmë një alternativë dhe opozitë të vërtetë, ndryshe nga Rama dhe kukulla e tij, mbyll qendrimin e tij Agron Shehaj nga Komisioni i Perkohshem i Rithemelimit te PD.
