Një aksident me pasojë vdekje është regjistruar mbrëmjen e kësaj të mërkure në fshatin Ferras në Fier.
Mësohet se një automjet ka përplasur për vdekje një të moshuar, i identifikuar si Ylli Toska rreth 70 vjeç nga fshati Fitore, i cili ishte duke lëvizur anës rrugës me biçikletë.
Burime bëjnë me dije se viktima është pikasur nga banorë të zonës ndërsa autori është larguar nga vendi i ngjarjes.
Pranë vendit të ngjarjes ka shkuar policia dhe autoambulanca.
“Fier / Informacion paraprak
Rreth orës 17:30, në aksin rrugor “Fier-Vlorë”, në fshatin Ferras, një automjet me drejtues ende të paidentifikuar, ka përplasur shtetasin Y. T., rreth 70 vjeç, banues në fshatin Fitore, i cili dyshohet se ka qënë duke lëvizur me biçikletë.
AdvertisementSi pasojë e përplasjes, shtetasi Y. T. ka humbur jetën.
Grupi hetimor po punon për identifikimin dhe kapjen e drejtuesit të automjetit, si dhe për zbardhjen e rrethanave të aksidentit”.
