Berisha thirrje për greva të përgjithshme: T’i tregojmë vendin kësaj qeverie

Pinterest LinkedIn Tumblr +
Berisha thirrje për greva të përgjithshme: T’i tregojmë vendin kësaj qeverie

Kryetari i Partisë Demokratike, Sali Berisha u ka bërë thirrje sot për greva të përgjithshme duke iu drejtuar mësuesve, studentëve, mjekëve për kushtet e vështira ku mësojnë dhe punojnë.

Duke folur në Parlament, ai tha se biznesi dhe qytetarët duhet t’i bashkohet grevave të përgjithshme.

Advertisement

Sipas Berishës kjo që po ndodh me çmimet në Shqipëri nuk po ndodh në asnjë vend të botës.

Advertisement

Berisha: 

Koha ka ardhur që ne kësaj qeverie ti tregojmë vendin. Jam këtu për tu bërë thirrje të gjithë mësuesve të Shqipërisë me guxim dhe kurajo të mbrojnë interesat e tyre, të mbrojnë nënçmimin, përçmimin që u bën kjo qeveri. Janë të vetmit mësues në rajon që 8 vite, jo vetëm që nuk njohën rritje, por krahasuar me inflacionin pësuan ulje të ndejshme të rrogës. Janë njerëzit më të përçmuar në administratë, kur duhet të jenë njerëzit më të nderuar për misionin fisnik.

Një mësues, qoftë edhe i ekselencës, por për shkak të bindjet e tij duhet të presë 7-8 vite për tu sistemuar. U bëj thirrje sindikatave që të organizojmë grevën më të fuqishme. U bëj thirrje mjekëve që e shohin sistemin që po rrënohet, mjekë të shkëlqyer që po largohen nga vendi, sepse janë njerëzit më të keqpaguar dhe keqtrajtuar, cila mbetet: greva, greva dhe para së gjithash greva.

Advertisement

I drejtohem këtu biznesit të vogël që ka një armik të vërtetë në këtë qeveri, e cila pritet fundin për 2 muaj tu vendosë 23%, e cila rriti tarifën e energjisë në 200 lekë. Çfarë presin më? Thirrja e çdo biznesmeni është të ulen qepenat, grevë e përgjithshme.

U bëj thirrje të gjithë studentëve, bashkëmoshatarëve të tyre në Kosovë qeveria u dha nga 100 euro, kurse kjo qeveri u jep mashtrimin. Të organizohen në një lëvizje të fuqishme studentore. Ne jemi 30 herë më të fuqishëm se këta që vjedhin çdo ditë qytetarët.

U bëj thirrje pedagogëve të universiteteve të ngrihen fuqishëm, të mos lënë një copë injorant tu përmendë rrogën dhe dijet. Ky nuk është i denjë as për mësues vizatimi. i bëj thirrje sindikatës të qëndrojë fuqishëm.

U bëj thirrje policëve të vërtetë të shtetit, të cilëve nuk u paguhet asgjë nga mundi dhe djera që derdhin, që mashtrohen nga mëngjesi deri në darkë. Koha thërret, ora po vjen. Ne duhet të jemi në lartësinë e duhur dhe jo të vajtojmë. U bëj thirrje taksistëve dhe të gjithë qytetarëve që drejtojnë makina të mos pranojnë këtë tirani çmimesh nafte, por të ngrihemi.

Advertisement

U bëj thirrje qytetarëve socialistë dhe demokratë të ngrihemi se kjo që ndodh me çmimet në Shqipëri nuk ndodh në asnjë vend të botës.

Share.

Comments are closed.

Copyright © 2022 Struga.info | Privacy policy