Ish deputetja e LSI, Silv Caka deklaron se kryeministri Edi Rama ka dashur të futë në kurth presidentin Ilir Meta, gjatë fushatës zgjedhore.
E ftuar në studion e “Quo Vadis”, Caka tha se Meta ka bërë rolin e tij të presidentit duke u përpjekur të ruajë Kushtetutën dhe sovranitetin.
Advertisement
“Gjatë fushatës Rama ka bërë krahasime me presidentin, ka nxjerrë pankarta ku e përfshinte Metën me tre kandidatë për deputetë. Këta kanë qenë ata që e kanë tërhequr dhe kanë dashur të fusin në kurth Metën. Ata pretenduan që duke bërë këto veprime ta tërheqin Metën në strofkullën e tyre. Meta ka bërë rolin e tij duke u perpjekur të ruajë Kushtetutën e sovranitetin. Kushtetuesja duhet të tregohet e kujdesshme në vendimmarrje”, tha Caka.
