Shkak i rikthimit të sherrit mes Partisë Demokratike dhe Komisionit Qendror të Zgjedhjeve këtë herë është Kukësi dhe zgjedhjet për kryebashkiakun e ri, në 24 shtator.
Përplasja e parë ende pa nisur faza më e rëndësishme, ajo e rregjistrimit të partive politike, erdhi për përfaqësimin e opozitës në KZAZ-në e Kukësit.
Ndryshe nga vendoret e majit, në shtatorin e Kukësit forca më e madhe e opozitës është Partia e Lirisë. Ajo do të ketë 2 anëtarë, ndërsa Partia Demokratike vetëm një.
Për këtë vendim,Ilirjan Celibashit akuzohet nga PD-ja me Lulzim Bashën e rizgjedhur si i shitur te “Foltorja” e Sali Berishës me qëllim për të çorientuar elektoratin demokrat.
Akuzave, Komisionerit Shtetëror të Zgjedhjeve i përgjigjet:
ILIRJAN CELIBASHI
KOMISIONERI SHTETEROR I ZGJEDHJEVE
Advertisement
Kur vendimarrja atyre u pëlqen i lavdërojnë, kur nuk u pëlqejnë i konsiderojnë institucionet si shërbëtorë të X apo të Y-on, por dëmi në këtë lloj qasje është i tyre.Ajo lloj vendimarrje është strikt e bazuar në kodin zgjedhor.
Duket se sherrnaja PD-KQZ do të thellohet me përfaqësimin në qendrat e votimit dhe të numërmit dhe nëse partia e Lulzim Bashës do të vendosë të hyjë në garën për Kukësin. Kur duhen më pak se dy javë nga afati i dorëzimit të kërkesave për rregjistrim të partive politike, Ilirjan Celibashit do t’i duhet të ri-vlerësojë dokumentet për logon dhe vulën e PD-së.
ILIRJAN CELIBASHI
KOMISIONERI SHTETEROR I ZGJEDHJEVE
AdvertisementNga ajo çfarë shikon nga media mundet ta kesh të konfirmuar edhe në pikëpamje dokumentare por edhe mund të jetë edhe ndryshe. Prandaj le të presim se çfarë realisht do të prezantohet në pikëpmaje dokumentare në lidhje me këtë çështje dhe më pas të marrim vendimin përkatës.
Njëjte si për Rrogozhinën, edhe për Kukësin nuk do të ketë votim dhe numërim elektronik.
ILIRJAN CELIBASHI
KOMISIONERI SHTETEROR I ZGJEDHJEVE
Do të preferonim që votimi elektronik të aplikohej përgjithësisht në ato zona ku është aplikuar edhe më përpara.
Advertisement
Ndryshe nga kampi i të djathtëve ku kërkohet ende për kandidatë, Partia Socialiste duket se e ka mbyllur. Albert Halilaj, prefekti i Kukësit, emëruar rishtas nga qeveria është kandidatura më e mundshme me të cilën mazhoranca qeverisëse do të rikërkojë fitoren në qytetin verior që nuk e çertifikoi dot pasi kandidati fitues i 14 majit, Safet Gjici, u përfshi në një video skandali seksual.
