Covid-i “kap” Kombëtaren kuq e zi, dalin pozitivë dy pjestarë

Pinterest LinkedIn Tumblr +
Covid-i “kap”  Kombëtaren kuq e zi, dalin pozitivë dy pjestarë

Futbollisti dhe fizioterapisti i Kombëtares kanë rezultuar pozitivë me COVID. Bëhet fjalë për Erion Hoxhallari dhe fizioterapistin Arzen Voci.

Kombëtarja shqiptare ka nisur që prej ditës së hënë grumbullimin dhe stërvitjet intensive në kuadër të dy sfidave të rëndësishme ndaj Hungarisë dhe Polonisë, të vlefshme për kualifikueset e Kampionatit Botëror “Katar 2022”.

Departamenti i Komunikimit në FSHF bën me dije se ditën e djeshme është larguar nga grumbullimi mbrojtësi Erjon Hoxhallari si edhe fizioterapisti i Kombëtares, Arzen Voci, të cilët pas testeve të kryera kanë rezultuar pozitivë me Covid-19.

Hoxhallari dhe Voci janë larguar menjëherë nga hoteli ku gjenden të grumbulluar për t’u karantinuar dhe janë në gjendje të mirë shëndetësore.
Kësisoj, Hoxhallari nuk do të jetë pjesë e Kombëtares për dy ndeshjet që cilësohen si vendimtare për Shqipërinë në ëndrrën për të prekur zonën e play-off-it, ku fillimisht do të luajnë më 9 tetor ndaj Hungarisë në transfertë, ndërsa tre ditë më vonë, më 12 tetor do të presin Poloninë në stadiumin “Air Albania”.

Advertisement
Share.

Comments are closed.

Copyright © 2023 Struga.info | Privacy policy