Orjol Lame akuzohet për ‘vrasje në rrugë’, sipas kodit penal të shtetit italian.
Lame ishte drejtues i automjetit ‘Fiat’ që u përplas në Reggio Emilia duke shkaktuar katër viktima.
Viktimat ishin partnerja e tij 22-vjeçare, Shane Hysenaj, fëmija i tyre 1 vjeç e gjysmë, dhe vëllai dhe motra e Shane Hysenajt, të dy të mitur.
Lame është i vetmi i mbijetuar, por gjendja e tij mbetet ende kritike.
Testet toksikologjike pas aksidentit nxorrën se Lame kishte qenë i dehur dhe nën efektin e lëndëve narkotike kur ndodhi përplasja.
Mediat italiane bëjnë me dije se Lame nuk kishte marrë kurrë leje drejtimi italiane, dhe automjeti që drejtonte ishte i pasiguruar.
Më herët Lame ishte dënuar edhe për trafik droge.
32-vjeçari ishte i paligjshëm në Itali ndërsa kishin nisur proceset për marrjen e lejes së qëndrimit nëpërmjet fëmijës së tyre i cili ndërroi jetë në aksident.
