Dalin pamjet horror: Dhoma ku u vra barbarisht 20-vjeçarja Caroline nga bashkëshorti, pajisja që e tradhtoi dhe e nxori zbuluar vrasësin
Detaje të reja dramatike janë publikuar nga mediat greke nga banesa ku ndodhi masakra e vrasjes së 20-vjeçares Caroline nga bashkëshorti i saj në Glyka Nera të Greqisë.
Fotografitë, të cilat përfshihen në dosjen e çështjes, përshkruajnë skenën e vdekjes, por edhe lëvizjet e 32-vjeçarit në të gdhirë të 11 majit.
Në foto shfaqet dhoma horror, ku gjithçka është kthyer përmbys, pasi Babis inskenoi grabitje për të cilën fillimisht u akuzuan shtetas shqiptarë.
Në shtrat shihet celulari i tij, pajisja që në fund e tradhtoi dhe sirtarët e përmbysur. Ndërsa shihen edhe pjesët e ngjitësit izolues që ai ka përdorur për t’i lidhur duart gruas që vrau.
Në skajin tjetër të dhomës së gjumit, ka një abazhur të hedhur dhe të ndezur, pranë krevatit të Lidias së vogël.
