Deputetët e Partisë Demokratike të cilët janë përjashtuar nga seanca plenare, kanë kërkuar shfuqizimin e këtij vendimi pranë Byrosë së Kuvendit të Shqipërisë, duke prtenduar se është marrë në shkelje të kushtetutës.
Në këtë kërkesë për ankimim, të firmosur nga Flamur Noka, Edi Paloka dhe Belind Këlliçi, kërkohet shfuqizimi i menjëhershëm i vendimit, ndërsa thuhet se deputetët e PD të cilët janë përjashtuar, nuk kanë thyer asnjë rregullore dhe se duhet të futen në Kuvend deri sa të mblidhet Konferenca për ta shqyrtuar.
Byroja e Kuvendit është mbledhur për të shqyrtuar kërkesën e deputetëve demokratë për të ankimuar vendimin për përjashtimin e tyre nga Kuvendi për disa ditë.
Sali Berisha, Flamur Noka, Belind Këlliçi dhe Edi Paloka u përjashtuan dje nga Kuvendi pas një vendimi të marrë nga Komisioni i Etikës.
Kërkesa po ashtu i është dërguar edhe Gardës.
