Dita Botërore e Personave me Aftësi të Kufizuara/ Manastirliu: Terapi të reja për fëmijët e spektrit autik

Pinterest LinkedIn Tumblr +
Dita Botërore e Personave me Aftësi të Kufizuara/ Manastirliu: Terapi të reja për fëmijët e spektrit autik

Në Ditën Botërore të të Drejtave të Personave me Aftësi të Kufizuara, Ministrja e Shëndetësisë dhe Mbrojtjes Sociale Ogerta Manastirliu vizitoi Qendrën Kombëtare Rehabilituese dhe Trajtuese të Fëmijëve, e rindërtuar nga themelet pas dëmtimit nga tërmeti, ku ka filluar puna për aplikimin e terapive të reja për fëmijët e spektrit autik.

 

Nëpërmjet investimeve që kemi bërë në këtë qendër dhe mbi të gjitha me investimin që po bëjmë tek burimet tona njerëzore, për të ndërtuar kapacitete, ekipe të cilët janë të mirë trajnuar, është bërë e mundur aplikimi i terapive të reja, sikurse është terapia ABA, një terapi shumë e rëndësishme përsa i përket terapive të aplikimit të sjelljeve dhe terapive të zhvillimit të fëmijëve”-tha Manastirliu.

 

Advertisement

Duke folur për shtrirjen e shërbimit në territor për identifikimin e hershëm të çrregullimeve të shëndetit mendor, Manastirliu tha:

 

Kemi filluar të ndërtojmë platformën se si ne të shkojmë në mënyrë kapilare edhe në zona të tjera të vendit.
Pra do të jetë kjo qendër, që është një qendër kombëtare, e cila tashmë do të nisë këtë program të trajnimit duke filluar nga infermierët në konsultore, te pediatri dhe gjithashtu edhe tek shërbimet socio-shëndetësore, tek psikologët, të cilët ne kemi filluar t’i integrojmë në strukturat tona të kujdesit shëndetësor parësor për të mundësuar jo vetëm identifikimin dhe kapjen e hershme të sindromave por edhe për të ndërgjegjësuar prindërit”.

 

Advertisement

Ministrja Manastirliu foli gjithashtu për shtrirjen e reformës së aftësisë së kufizuar në të gjithë vendin.

 

“Ky vit përfundon me shtrirjen e një reforme të rëndësishme, atë të vlerësimit bio-psiko-social për të gjithë personat që janë me aftësi ndryshe dhe përfitojnë nga programet e mbështetjes. Dhe ajo që ne përfundojmë këtë vit është pikërisht shtrirja në të gjithë rajonet e strukturave tona që do të bëjnë vlerësimin bio-psiko-social, duke hequr përfundimisht atë rrugëtimin e gjatë dhe të lodhshëm dhe ardhjen deri në Tiranë. Tashmë do të jenë afër vendbanimit edhe në këto 5 qarqe që ende nuk ishte shtrirë reforma. Brenda Dhjetorit ne përfundojmë këtë fazë të shtrirjes së saj, për të siguruar më shumë akses dhe cilësi shërbimi. Dhe sigurisht ajo çfarë ne do të vijojmë të bëjmë është që të integrojmë më shumë shërbimet sociale me shërbimet shëndetësore”, tha Manastirliu.

 

Advertisement

Në Qendrën Kombëtare Rehabilituese dhe Terapeutike pë Fëmijë kanë vlerësuar në ekip 1240 fëmijë. Ky numër është dyfishuar me rritjen e kapaciteteve trajtuese në këtë qendër, pas rindërtimit me standardet më të mira.

 

Në këtë qendër ka filluar implementimi i terapisë ABA për fëmijët e hospitalizuar që kanë nevojë për terapi intensive. Gjithashtu marrin terapi me hospitalizim fëmijët nga rrethet, mesatarisht 30 fëmijë në muaj.

Advertisement
Share.

Comments are closed.

Copyright © 2023 Struga.info | Privacy policy