Sot (e shtune) do të vijojë ndikimi i masave ajrore të qëndrueshme.
Moti parashikohet i kthjellët me vranësira fare të pakta kalimtare në orët e mëngjesit si dhe në mesditë në relievet malore. Era do të fryjë me drejtim juglindje- veriperëndim me shpejtësi 1-4m/sek. Valëzim në dete i forcës 1-2 ballë.
Temperaturat parashikohen: në zona malore 10 deri 29°C , në zona e ulëta 10 deri 31°C dhe në zona bregdetare 14 deri 29°C.
Rajoni i Ballkanit do të ndikohet nga depërtimi i masave ajrore të qëndrueshme dhe të thata me origjinë jugperëndimore.
Në këtë mënyë moti parashikohet i kthjellët në pjesën më të madhe të rajonit si dhe vranësira kalimtare në relievet malore. Për shkak të masave jugore pritet edhe rritja e temperaturave në orët e mesditës.
Sa i përket Kontinentit Europian pjesa veriore dhe ajo lindore e tij do të ndikohet nga reshje shiu të përkohshme por të rrëmbyeshme në formën e rrebesheve dhe stuhive.
Mesdheu dhe jugu do të ndikohen nga masa ajrore të qëndrueshme të cilat do të sjellin mot të kthjellët dhe temperatura të larta.
