Dorëzimi i listës së dëshmitarëve në Hagë, pala mbrojtëse e Thaçit dhe prokuroria përplasen për afatet

Pinterest LinkedIn Tumblr +
Dorëzimi i listës së dëshmitarëve në Hagë, pala mbrojtëse e Thaçit dhe prokuroria përplasen për afatet

Mbrojtja e ish-presidentit të Kosovës, Hashim Thaçi, i cili po ballafaqohet me akuza për krime lufte ka kërkuar nga Zyra e Prokurorit të Specializuar që deri më 2 Gusht të dorëzojë një listë paraprake të dëshmitarëve që synon të thërrasë në sallën e gjyqit për të dëshmuar.

Kërkesa e avokatit Lluka Mishetiç është përkrahur edhe nga avokatët mbrojtës të Veselit, Krasniqit e Selimit. Por këtë kërkesë të mbrojtjes në konferencën e 6-të statusore që u mbajtë në Hagë ndaj ish-krerëve të UÇK-së e ka refuzuar prokuroria.

Prokuroria këtë kërkesë e ka konsideruar si komplet jashtë kontekstit, por ka reaguar Mishetiç duke thënë se nuk e kupton refuzimin e prokurorisë. Por prokororja i është kundërpërgjigjur duke thënë se listat jepen brenda afateve të caktuara dhe mënyra e dhënies së dëshmisë do të jepet në atë kohë.

Zyra e Prokurorit të Specializuar gjithashtu ka bërë të ditur se në këtë rast janë përafërsisht 5 dëshmitarë ndërkombëtarë.

Advertisement

Ndërsa gjithashtu ka bërë të ditur se ka vazhduar me nxjerrjen e materialeve që nga konferenca e fundit statusore ku janë nxjerrë 14 pako me material ndër to 4 pako komplet shfajësuese.

Share.

Comments are closed.

Copyright © 2023 Struga.info | Privacy policy