Drejtori i spitalit jep detaje për të plagosurit në aksidentin në Kroaci: 15 pasagjerë në gjendje të rëndë

Pinterest LinkedIn Tumblr +
Drejtori i spitalit jep detaje për të plagosurit në aksidentin në Kroaci: 15 pasagjerë në gjendje të rëndë

Drejtori i Spitalit të Përgjithshëm në spitalin e Slavonski Brod, në Kroaci, Josip Samarxhiç ka folur për gjendjen e të plagosurve, pas aksidentit tragjik të një dite më parë.

Sipas tij, 42 pasagjerë kishin kërkuar ndihmë mjekësore, ndërsa 15 prej tyre me lëndime të rënda.

“Ne i mbajtëm ata në trajtim. 15 prej tyre kanë lëndime të rënda trupore, dhe dy të plagosur janë vendosur në njësinë e kujdesit intensiv dhe po kryhen të gjitha procedurat e kujdesit intensiv. Katër u operuan. Ne vazhdimisht po monitorojmë situatën”, tha ai në Dnevnik N1.

Ata ofruan ndihmë psikologjike për fëmijët, shton Samarxhiç.

Advertisement

“Ne kemi 15 të mitur, njëri prej të cilëve ka dëmtime serioze. Kemi pasur ndihmë të madhe nga Ministria e Brendshme dhe Ambasada e Kosovës. Ne kemi emrat e njerëzve që janë në spitalin Brod-Posavina”, u shpreh ai.

Në autobusin e aksidentuar me targa të Kosovës, ndodheshin 67 pasagjerë, 10 prej të cilëve humbën jetën ndërsa 45 të tjerë janë lënduar.

Share.

Comments are closed.

Copyright © 2023 Struga.info | Privacy policy