Sabian Hasaj, Redi Nika, Denis Hasaj, Denisa Halilaj, dhe Mirjan Hasaj, të gjithë banues në Malësi të Madhe u arrestuan ditën e some pasi akuzohen për trafik armësh nga Shkodra në Tiranë.
Gazetari i Vizion Plus, Esido Barkaj, mëson detaje të reja nga operacioni i koduar “Repishti” .
Trafiqet e Tiranës kishin marrë informacion për grupin kriminal që do të vinte nga Shkodra për të shitur armët në Tiranë.
Menjëherë pas kësaj organizuan operacionin për kapjen e tyre në kushtet e flagrancës.
5 personat e arrestuar po lëviznin me dy mjete.
Në të parin ishin dy person që kishin rol kqyrjen e rrugës dhe lëvizjeve të patrullave të policisë.
Në makinën e dytë ishin 3 persona të tjetë, në bagazhin e të cilës u gjetën dhe sekuestruan 9 armë.
Armët vinin nga zona veriore të Shkodrës dhe ishin destinuar të shiteshin te grupet kriminale me bazë në Tiranë.
Denisa Halilaj është efektive e Policisë së Burgjeve.
Lidhur me operacionin ka reaguar edhe ministri i Brendshëm, Taulan Balla.
“Policia e Shtetit vijon të godasë sistematikisht fenomenin e armëmbajtjes pa leje, i cili mbetet burim për ngjarje kriminale. Goditja e rrjeteve që furnizojnë grupet kriminale me armë apo ndalimi i shtetasve që qarkullojnë me armë janë detyrë kryesore e Policisë. Falë hetimit të Drejtorisë Vendore të Policisë është identifikuar dhe ndalur një grup kriminal prej pesë personash, të cilët trafikonin armë zjarri dhe municione nga Shkodra drejt Tiranës”, shkruan Balla.
/vizionplus.tv
