E frikshme në Malësi të Madhe/ Uji merr automjetin, banorët shpëtojnë vajzën, babë e bir ende të zhdukur

Pinterest LinkedIn Tumblr +
E frikshme në Malësi të Madhe/ Uji merr automjetin, banorët shpëtojnë vajzën, babë e bir ende të zhdukur

Policia ka dhënë informacion paraprak për automjetin që u mor përpara nga rrjedha e përroit në Malësi të Madhe.

Bëhet me dije se në momentin e parë, banorët e zonës kanë mundur të nxjerrin nga automjeti vajzën ndërsa babin dhe vëllain e saj i ka marrë uji.

Advertisement

Në vendin e ngjarjes kanë mbërritur polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, të cilët po punojnë për gjetjen e dy shtetasve

Advertisement

Malësi e Madhe, Shkodër/Informacion paraprak

Shërbimet e Komisariatit të Policisë Malësisë e Madhe kanë marrë informacion se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, djali dhe vajza).

Në momentin që rrjedha e ujit ka marrë përpara automjetin që drejtohej nga shtetasi P. R., rreth 50 vjeç, vajza ka mundur të dalë dhe është ndihmuar nga një banor i zonës. Vajza ndodhet jashtë rrezikut për jetën, ndërsa babanë e vajzës dhe vëllanë e saj i ka marrë rrjedhja e ujit.

Advertisement

Në vendngjarje ndodhen polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, të cilët po punojnë për gjetjen e dy shtetasve (babë e bir).

Share.

Comments are closed.

Copyright © 2022 Struga.info | Privacy policy