Nga java që vjen pritet që të nisë shpërndarja e bonusit të pensionistëve. Posta dhe Instituti i Sigurimeve Shoqërore janë në fazën finale të hartimit të grafikëve dhe pritet që të martën të nisë shpërndarja.
Kreu i postës Laert Duraj, në një prononcim për emisionin “E ZONE” tha se sfida e këtij viti për shkak të pandemisë, por edhe kohës së shkurtër mund të bëjë që shpërndarja të shtrihet edhe gjatë muajit janar.
“Pas rakordimeve përkatëse edhe me ISSH-në, ne mendojmë se të martën do të nisim nga shpërndarja. Duke patur parasysh që pjesa e madhe e pensioneve për këtë muaj janë ndarë, bonusin do të marri masa që ta dërgojnë në adresën e banimit. Por duke patur parasysh që kanë mbetur pak ditë në dispozion, një pjesë e pensionistëve do të mund ta marrin shpërblimin në janar”, tha Duraj ne E-ZONE.
