Strukturat e DVP Tiranë, në bashkëpunim me Drejtorinë e Hetimit të Krimeve në DPPSh, kanë finalizuar operacionin policor të koduar “Outlet”, duke goditur një rast kontrabande të mallrave të dyshuara të vjedhura në Greqi.
Gjatë operacionit u zbulua një dyqan në Yzberisht ku shiteshin veshje të kontrabanduara, ndërsa u arrestua administratorja e subjektit tregtar, shtetasja Estela Kapo 49 vjeçe, banuese në Tiranë.
Në ambientet e dyqanit, në rrugën “Demneri”, u sekuestrua një sasi e konsiderueshme veshjesh pa dokumentacion doganor apo fatura blerjeje.
Hetimet vijojnë për identifikimin e personave të tjerë të përfshirë në këtë veprimtari, ndërsa materialet procedurale janë referuar në Prokurorinë e Tiranës për veprime të mëtejshme.
Advertisement
/vizionplus.tv
