Një 47-vjeçar është vënë në pranga pasi është kapur duke shpërndarë doza kanabisi në Lushnjë dhe në fshatrat e Divjakës.
Policia ka gjetur dhe sekuestruar 1000 doza kanabis gjatë kontrollit të automjetit dhe të banesës së të arrestuarit.
Gjithashtu policia sekuestroi një peshore elektronike që shërbente për ndarjen e lëndës narkotike në doza, 7 aparate celulare dhe automjetin tip “Volkswagen”.
“Ky shtetas është ndaluar nga shërbimet e Policisë, në vendin e quajtur “Pushimi i shoferit”, ndërkohë që po udhëtonte me automjetin e tij, në të cilin, gjatë kontrollit, u gjet një sasi lënde e dyshuar narkotike kanabis, e ndarë në qindra doza, gati për shitje.
AdvertisementNë vijim të veprimeve, gjatë kontrollit në banesën e këtij shtetasi, u gjetën edhe qindra doza të tjera me lëndë të dyshuar narkotike kanabis”, njofton policia.
47-vjeçari , Anil Canka, do të përballet me akuzën për veprën penale “Prodhimi dhe shitja e narkotikëve”.
