Foto/ Forcat ruse bombardojnë Konsullatën e Nderit të Shqipërisë në Ukrainë

Konsullata shqiptare në Kharkiv të Ukrainës është shkatërruar nga bombardimet ruse.

Lajmin e ka konfirmuar vetë Ministria e Jashtme e Shqipërisë, e cila dënon ashpër agresionin rus, ndërsa ka postuar edhe disa foto të konsullatës së shkatërruar.

“Shqipëria dënon ashpër agresionin rus që çoi në shkatërrimin e Konsullatës së Nderit të Shqipërisë në #Kharkov. Autorët duhet të mbajnë përgjegjësi! #StopAgresionitRus #QëndroniMeUkrainë.”

Shqipëria, Mali i Zi dhe Maqedonia e Veriut, janë shpallur vende armike nga federata ruse. Tre vendet anëtare të NATO-s, gjenden në listën e shteteve dhe territoreve të huaja, që sipas Moskës, kryejnë veprime jomiqësore kundër Rusisë, kompanive dhe qytetarëve të saj.