Një aksident automobilistik është regjistruar në aksin rrugorë Korçë-Ersekë.
Një 52-vjeçare, banuese në Kolonjë, ka humbur drejtimin e mjetit dhe ka dalë nga rruga.
Si pasojë e këtij aksidenti, është dëmtuar vetë gruaja, dhe nipi e mbesa që ndodheshin në mjet, të dy të mitur.
Tre të dëmtuarit u transportuan në spital ku ndodhen nën kujdesin e mjekëve dhe jashtë rrezikut për jetën.
Korçë/Informacion paraprak
Më datë 03.07.2023, rreth orës 18:15, në aksin rrugor “Korçë-Ersekë”, në afërsi të fshatit Kamenicë, Korçë, shtetasja H. K., rreth 52 vjeçe, banuese në fshatin Starje, Kolonjë, duke drejtuar automjetin tip “Jeep”, dyshohet se ka humbur kontrollin mbi drejtimin e tij dhe automjeti ka dalë nga rruga.
AdvertisementPër pasojë janë dëmtuar lehtë drejtuesja shtetasja H. K. (gjyshja) dhe dy shtetas të mitur, pasagjerë në mjet (nipi dhe mbesa e drejtueses), të cilët ndodhen në spitalin e Korçës.
Grupi hetimor po punon për përcaktimin e shkakut të daljes nga rruga.
