Prezenca e OSBE në vendin tonë ka uruar kryetaren e re të Gjykatës Kushtetuese Holta Zaçaj, e cila u zgjodh me 5 vota pro në raundin e tretë të garës, duke eliminuar në këtë mënyrë goglat.
Në një postim në faqen zyrtare, OSBE shprehet se do të vijojnë me kënaqësi bashkëpunimi me Kushtetuesen dhe nën drejtimin e ri të Holta Zaçajt.
Advertisement
“Prezenca e OSBE-së uron përzemërsisht gjyqtaren Holta Zaçaj për zgjedhjen në postin e Kryetares së Gjykatës Kushtetuese. I urojmë asaj dhe të gjithë anëtarëve të Gjykatës sukses në ushtrimin e detyrës së tyre themelore dhe presim me kënaqësi të vijojmë bashkëpunimin e afërt dhe frytdhënës edhe nën drejtimin e ri të saj”, thuhet në reagim.
