Një person i plagosur me armë zjarri ka ndërruar jetë në Spitalin e Durrësit.
Nga raportimet mësohet se shtetasi me inicialet A.M, 48-vjeç ka mbërritur në spital në gjendje kritike por nuk ka mundur t’i mbijetojë plagëve të marra.
48-vjeçari rezulton me precedent të mëparshëm penal në fushën e narkotikëve.
Policia ka mbërritur në vendin e ngjarjes dhe po punon për identifikimin dhe kapjen e autorit.
Durrës/Informacion paraprak
Në qendër të Sukthit, një shtetas ende i paidentifikuar ka qëlluar me armë zjarri automatik, në drejtim të dyqanit të shtetasit A. M.(I.), 48 vjeç.
Për pasojë shtetasi A. M.(I.) u plagos në gjendje të rëndë dhe si pasojë e plagëve të marra ndërroi jetë në spital.
Shërbimet e Policisë kanë rrethuar zonën dhe vijon krehja e saj, për te bërë të mundur kapjen e autorit.
AdvertisementGrupi hetimor, nën drejtimin e Prokurorisë, ndodhet në vendngjarje dhe po punon për fiksimin e çdo prove të vlefshme që do t’i shërbejë hetimit, me qëllim identifikimin dhe kapjen e autorit.
