Tragjedia e Qafë-Muzinës e cila la pas 5 viktima pasditen e kësaj të enjte, I ka lënë pasojat të gjitha tek furgoni me pasagjere I linjës Tiranë-Sarandë, që drejtohej nga shtetasi Bardhi Prodo. Ky i fundit ishte mes viktimave.
Po ashtu nga furgoni janë nxjerre pa jete edhe cifti I bashkëshorteve Fiqiri dhe Dritë Korcari.
Mbeten ende të paidetifikuar dy persona të tjere që ishin pasagjere në furgonin e vdekjes.
Nga përmbysja e këtij mjeti në kanal poshtë rruges, ka shpëtuar vetëm një vajzë 25 vjece.
Ajo është identifikuar si Greta Kaberdini 25 vjece, e cila ndodhet në spitalin e Gjirokastrës jashtë rrezikut për jetën.
Ndërkohë të lënduara, por pa probleme në spital kanë shkuar edhe tre vajza që udhëtonin me Land Rover. Ato janë drejtuesja e makinës Rexhina Celhaka 22 vjece dhe shoqet e saj italiane, Ana Cascalvilla 23 vjece dhe Xhulia Parini 22-vjeçe.
Mësohet se drejtuesja e “Land Roverit” 22 vjecarja, Rexhina Celhaka banuese ne Tiranë e kishte marrë mjetin me qira.
Ndonëse nuk është zyrtare, besohet se një manover e gabuar e mjetit “Land Rover” mund të ketë sjell aksidentin tragjik.
