Shtyhet seanca e dytë gjyqësore për inceneratorin e Elbasanit.
Shkak për këtë është bërë mungesa e të njoftimit zyrtar për të pandehurën Jonida Zeqo, shtëpia e të cilës nuk është lokalizuar ende nga oficerët e policisë gjyqësore, për herë të dytë.
Për këtë dosje, gjykata ka marrë 12 të pandehur, përfshirë këtu ish ministrin e Mjedisit Lefter Koka dhe vartësin e tij, sekretarin e kësaj ministrie Alqi Bllako.
Ndërkaq togat e zeza bënë me dije se dy nga tre pronarët e inceneratorëve përkatësisht Mirel Mërtiri dhe bashkëjetuesja e tij Stela Gugallja janë lokalizuar në Austri, por Interpol Tirana ende nuk ka informacion nëse shteti austriak e ka pranuar apo jo ekstradimin e tyre drejt Shqipërisë.
Ndërsa Klodian Zoto, pronari tjetër i dy inceneratorëve, i bashkëpandehur në po të njëjtën dosje, nuk është arrestuar dhe nuk është lokalizuar vendndodhja e tij.
Prezent në seancën e sotme ishin 4 nga 12 të pandehurit, Bardhyl Çabiri dhe Pëllumb Abeshi nga kafazi i qelqtë, ndërsa dy të tjerët Etleva Kondi dhe Serafin Papa janë lënë në masën e sigurisë arrest shtëpie. Kurese personat e tjerë janë përfaqësuar nga mbrojtësit e tyre ligjorë.
Akuzat që rëndojnë mbi ta janë ato të shpërdorimit të detyrës, korrupsionit pasiv dhe aktiv të zyrtarëve të lartë, pastrimit të parave.
Seanca e tretë pritet të zhvillohet në datën 20 prill, ora 09:00.
