![Incident në takimin e Ramës me shqiptarët e Italisë, Diaspora shpërndan fletushka: Dua të votoj!](https://www.vizionplus.tv/wp-content/uploads/2024/05/Screenshot_18-15-782x400.png)
Një incident i vogël është regjistruar sot në pallatin e sportit në Milano ku po mbahet takimi i kryeministrit Edi Rama me shqiptarët e Italisë.
Burime për vizion plus bëjnë me dije se disa emigrantë shqiptarë hodhën në sallë fletushka me mesazhin “Dua të votoj 2025, nga Diaspora”.
Pas kësaj, ata u nxorrën me forcë nga salla.
Vizita e liderit te mazhorancës Rama vjen vetëm pak muaj pas nënshkrimit të marrëveshjes mes Tiranës dhe Romës zyrtare për njohjen e pensioneve, që përbën një prej çështjeve më të rëndësishme për shqiptarët, të cilët prej vitesh punojnë në Itali.
Takimi me shqiptarët e Italisë vjen disa javë pas takimit që Rama mbajti në Athinë me shqiptarët e Greqisë, në kuadër të turit me diasporën.
Rama pritet të takohet edhe me shqiptarë që jetojnë e punojnë në Londër, Mbretëri e Bashkuar dhe Dyseldorf, Gjermani./vizionplus.tv/