Incidenti mes efektivëve dhe fotoreporterit Genti Shkullaku/ Reagon policia: Po kryejmë verifikime

Pinterest LinkedIn Tumblr +
Incidenti mes efektivëve dhe fotoreporterit Genti Shkullaku/ Reagon policia: Po kryejmë verifikime

Policia e Shtetit ka reaguar në lidhje me incidentin që ndodhi mbrëmë mes bluve të Tiranës dhe fotoreporterit të LSA, Genti Shkullaku.

 

Përmes një njoftimi për mediat policia thekson se Drejtori i Përgjithshëm i Policisë së Shtetit Gledis Nano ka urdhëruar verifikimin e rrethanave të këtij incidenti.

 

Advertisement

Sipas Policisë, një grup i posaçëm nga Drejtoria e Standardeve Profesionale dhe Departamenti për Sigurinë Publike po kryen të gjitha veprimet dhe nëse do të rezultojë se ka patur tejkalim apo shkelje të procedurave standarde të punës nga punonjës policie, duke shtuar se do të merren masat disiplinore përkatëse.

 

REAGIMI I POLICISË

 

Advertisement

Lidhur me incidentin e ndodhur mbrëmjen e kaluar, me fotoreporterin Genti Shkullaku, Drejtori i Përgjithshëm i Policisë së Shtetit Gledis Nano ka urdhëruar verifikimin e rrethanave të këtij incidenti.

 

Një grup i posaçëm nga Drejtoria e Standardeve Profesionale dhe Departamenti për Sigurinë Publike po kryen të gjitha veprimet dhe nëse do të rezultojë se ka patur tejkalim apo shkelje të procedurave standarde të punës nga punonjës policie, do të merren masat disiplinore përkatëse.

 

Advertisement

Gjatë takimit të zhvilluar mesditën e djeshme, Drejtori i Përgjithshëm i Policisë së Shtetit u ka dhënë porosi të veçantë drejtuesve të strukturave policore të angazhuara me shërbim në Tiranë, për mbarëvajtjen e aktivitetit, që gazetarëve dhe reporterëve, vendas e të huaj, t’u krijohen të gjitha lehtësirat, me qëllim që ata të përmbushin misionin e tyre.

 

Policia e Shtetit kërkon mirëkuptimin e qytetarëve dhe të medias në veçanti, si dhe shpreh angazhimin për të përmbushur më së miri detyrimin për garantimin e rendit dhe sigurisë publike, në një event madhështor siç është finalja e sotme europiane e Conference League.

Advertisement
Share.

Comments are closed.

Copyright © 2023 Struga.info | Privacy policy