Të gjithë qytetarët që udhëtojnë nga aeroporti ndërkombëtar “Nënë Tereza” drejt Gjermanisë duhet të pajisen me certifikatë vaksinimi. Vetëm në këtë mënyrë, ata do të lejohen të kalojnë.
Personat që nuk janë vaksinuar mund të udhëtojnë drejt Gjermanisë me PCR vetëm nëse kanë ndonjë arsye të rëndësishme, duke filluar nga studentët te punëtorët sezonalë në bujqësi.
“Në vëmendje të pasagjerëve që udhëtojnë nga Tirana International Airport drejt Gjermanisë. Të gjithë përsonat që udhëtojnë nga Tirana International Airport mund të udhëtojnë drejt Gjermanisë vetëm në qoftë se janë të pajisur me çertifikatën e vaksinës. Personat që nuk janë të vaksinuar mund të udhëtojnë drejt Gjermanisë me PCR vetëm për arsye të rëndësishme. Arsyet e rëndësishme i gjeni të listuara në linkun e mëposhtëm: https://tirana.diplo.de/al-de/service/visa-de/-/2480556 Faleminderit për mirëkuptimin”, thuhet në njoftimin e dhënë nga “Tirana International Airport”
