“Jo ilegalisht në Angli”/ Ambasadori britanik: “OK” propozimit të presidentit për konsullatë në Kukës

Pinterest LinkedIn Tumblr +
“Jo ilegalisht në Angli”/ Ambasadori britanik: “OK” propozimit të presidentit për konsullatë në Kukës

Largimi i të rinjve drejt Mbretërisë së Bashkuar vazhdon të mbetet një fenomen shqetësues.

 

Ambasadori britanik në Shqipëri, Alastair King-Smith  thotë për Vizion Plus se dëshira për të emigruar drejt Anglisë është evidente, ndërkohë që merr në konsideratë sugjerimin e presidentit Bajram Begaj për hapjen e një konsullate në Kukës, që qytetarët të marrin vizat dhe të shkojnë për punë sezonale në mënyrë legale.

 

Advertisement

ALASTAIR KING-SMITH

 

AMBASADORI BRITANIK NË SHQIPËRI

 

Advertisement

Unë personalisht kam qenë së fundmi në Kukës dhe është shumë evidente që njerëzit atje duan të kenë një jetë më të mirë, gjë që i ka vendosur përballë zgjedhjeve. Ne nuk duam t’i shohim shqiptarët që të shkojnë ilegalisht në Mbretërinë e Bashkuar. Nuk duhet të veprojnë kështu, të presin sesi ne mund të krijojmë mundësi më të mira për to. Ka rrugë të ligjshme për t’u larguar.

 

Ne do ta shqyrtojmë propozimin e presidentit Begaj për të parë se çfarë mund të bëjmë më shumë në Kukës.

 

Advertisement

I pyetur në lidhje me qëndrimin e ashpër sekretares së Brendshme Britanike, Suella Baverman për ndalimin e depërtimit të emigrantëve të paligjshëm drejt tokës angleze, kryesisht përmes kanalit të La Manshit, ambasadori britanik zgjodhi të mos përgjigjet. Diplomati u kujdes të theksonte marrëdhëniet e mira mes dy vendeve.

 

ALASTAIR KING-SMITH

 

Advertisement

AMBASADORI BRITANIK NË SHQIPËRI

 

Ne kemi marrëdhënie shumë të mira me qeverinë shqiptare. Qëndrimi i qeverisë britanike është i qartë. Shqiptarët në Mbretërinë e Bashkuar janë të vlerësuar. Shumica e tyre po qëndrojnë legalisht dhe po kontribuojnë pozitivisht në komunitet, kanë të njëjtat të drejta.

 

Advertisement

Ambasadori i Britanisë së Madhe u bën thirrje të rinjve që të zgjedhin rrugët e ligjshme për të mbërritur në Angli.

Share.

Comments are closed.

Copyright © 2023 Struga.info | Privacy policy