Në 2022, sipas të dhënave nga Autoriteti i Mbikëqyrjes Financiare, blerjet e individëve në tregun e bonove të thesarit dhe obligacioneve u trefishuan krahasuar me një vit më parë.
Këtë trend, Marian Gjermeni, drejtor në Bankën e Shqipërisë, e shpjegon me rritjen e normave të interesit për titujt qeveritarë, që erdhi si pasojë e normalizimit të politikës monetare.
MARIAN GJERMENI
DREJTOR I DEPARTAMENTIT TE OPERACIONEVE MONETARE, BSH
“Rritja e normave të interesit për titujt qeveritarë ndoqi rritjen e normave të interesit nga ana e Bankës së Shqipëri. Kjo rritje në normën e kthimit, u shoqërua edhe me rritjen e pjesëmarrjes direkte të individëve në titujt e qeverisë.”
Advertisement
Gjatë kësaj periudhe me norma interesi të rritura, Banka e Shqipërisë vuri re edhe një lëvizje nga investimi në obligacione, te bonot e thesarit.
MARIAN GJERMENI
AdvertisementDREJTOR I DEPARTAMENTIT TE OPERACIONEVE MONETARE, BSH
“Para normalizimit të politikës monetare patëm ulje të normave të interesit, gjatë kësaj periudhe u vu re që individët u zhvendosën nga bonot e thesarit, në obligacione sepse obligacionet jepnin një kthim më të lartë sesa bonot e thesarit dhe individët shfrytëzuan këtë oportunitet. Nga marsi 2022 çfarë ndodhi është që me ndryshimin e politikës kemi që me rritjen e yieldeve çmimi i obligacioneve bie dhe tek institucionet financiare patëm zhvendosje dhe kemi lëvizjen e individëve nga obligacionet te bonot e thesarit.”
Ndërkohë, ndryshe paraqitet situata këtë vit ku rënia e normave të interesit të titujve qeveritarë ka ftohur interesin e individëve për të investuar. Sipas të dhënave, në 9 muaj vlera e investimeve në tregun e bonove dhe obligacioneve është 28.3 mld lekë, në rënie me 6% krahasuar me të njëjtën periudhë të 2022.