Klos/ Vazhdon djegia e masivit pyjor në Suç, banorët kërkojnë ndërhyrje nga ajri

Pinterest LinkedIn Tumblr +
Klos/ Vazhdon djegia e masivit pyjor në Suç, banorët kërkojnë ndërhyrje nga ajri

Masivi pyjor me dushqe në fshatin “Kujtim” të Njësisë Administrative Suç në Bashkinë Klos vijon të digjet.

 

Izolimi i flakëve një ditë më parë në anën veriore të masivit, nuk e ka shuar të gjithë vatrën e zjarrit.

 

Advertisement

Mëngjesin e kësaj të enjteje tre vatra të reja janë shfaqur në anën jugore, duke ju afruar banesave vetëm disa metra.

 

Punonjësit e Shërbimit Zjarrfikës, atij pyjor e disa banorë vijojnë përballjen me flakët për të penguar avancimin e zjarrit drejt shtëpive të banuara.

 

Advertisement

Terreni i thyer dhe pa rrugë makine vijon të jetë pengesë për ndërhyrjen e mjetit zjarrfikës, ndërsa ende nuk kanë shkuar në ndihmë as forcat e armatosura.

 

Specialistët e fushës thonë se shuarja totale e zjarrit mund të bëhet vetëm nga ajri, duke qenë se dhe lumi Mat është shumë afër ku helikopteri mund të mbushet me ujë.

Advertisement
Share.

Comments are closed.

Copyright © 2023 Struga.info | Privacy policy