Kosovë: 35 raste me COVID-19 dhe asnjë viktimë në 24 orë

Pinterest LinkedIn Tumblr +

Instituti Kombëtar i Shëndetësisë Publike (IKSHPK) njoftoi se ka regjistruar 35 raste të reja me koronavirus. Në 24 orët paraprak, nuk është regjistruar asnjë viktimë nga ky virus.

Rastet e reja dalin pas testimit të 3.199 mostrave dhe nga kjo shifër i bie që një për qind e të testuarve kanë dalë pozitivë me koronavirus.

Komuna me më së shumti raste të reja me COVID-19 është ajo e Prishtinës, përkatësisht, në kryeqytetin e Kosovës janë regjistruar nëntë raste të reja.

Në 24 orët paraprake, 180 pacientë janë shëruar nga sëmundja COVID-19, që e shkakton koronavirusi.

Advertisement

Që prej marsit 2020, e deri më 22 maj 2021, Kosova ka regjistruar 107.213 raste me koronavirus. Prej tyre, 2.239 pacientë kanë vdekur dhe 101.279 janë shëruar.

Raste aktive janë 3.695.

Share.

Comments are closed.

Copyright © 2021 Struga.info | Privacy policy