Eksperti i Energjisë, Eduart Elezi ka qenë i ftuar mbrëmjen e sotme në studion e “Qou Vadis” ku ka folur për krizën energjetike në vend.
Sipas Elezit kemi të bëjmë me një kolaps financiar. Ai ka ngritur shqetësimin lidhur me keqmenaxhimin e kaskadës së Drinit, ndërsa thekson se në muajt gusht dhe shtator është shitur energji duke cënuar sigurinë kombëtare.
“Behet fjalë për kolaps financinar. Në muajin gusht dhe shtator është shitur energji nga kaskada e Drinit, ky është një problem shumë madhor. Është shitur duke cënuart sigurinë kombëtare, në muajin gusht e shtator nivelet e kaskadës së Drinit duhet të jenë tek maksimalja, tani detyrohen të blejnë energji per të plotësuar e nevojat e konsumatorit. Operatori shpërndarjes duhet të blejë energji për mbulimin e humbjeve jo për nevojat e konsumatorit. Ky është një keqmenaxhin i Kaskadës. Ky është kolaps financiar të tre kompanitë janë në kolaps financiar”, u shpreh Elezi.
