Opozita vijon të jetë e vendosur për të bllokuar punën e komisioneve parlamentare.
Sot në Komisionin e Sigurisë ishte thirrur për të raportuar për buxhetin kryetarja e SHISH Vlora Hyseni.
Por duket se dhe në këtë mbledhje ka pasur debate, mes deputetëve të opozitës dhe mazhorancës.
Gjithçka duket se ka nisur pasi deputeti i PD-së, Flamur Noka ka zënë vendin e kryetarit të komisionit, Nasip Naço, ndërkohë që ky i fundi mes ironisë tha se mbledhja nuk mund të drejtohet nga dy kryetarë.
DEBATET
Nasip Naço: Do të mblidhemi online në orën 16:00. Do ju vijë linku
Gazment Bardhi: Nuk jemi në gjendje lufte. Online janë dhe të dhënat e TIMS, jeni duke shkelur rregulloren. Respektoni kushtetutën dhe rregulloren
Naço: Faleminderit për prezencën. Do ju lutesha që në mënyrë demokratike mbledhjen.
Bardhi: Drejtoresha duhet të vijë të deklaroj për TIMS-in.