Komisioni i Ankesave dhe Sanksioneve ka njohur rezultatin e zgjedhjeve vendore të 14 majit për Rrogozhinën duke rrëzuar në këtë formë kërkesën e koalicionit “Bashkë Fitojmë” për shpalljen të pavlefshme të kutisë së burgut.
“Bashkë Fitojmë” pretendon për tjetërsim votash dhe parregullësi, ndërsa i konsideron votuesit e burgut si ‘banorë’ të përkohshëm dhe jo resident të zonës.
Advertisement
Nga ana tjetër, mazhoranca ka pretenduar se kjo do të privonte të burgosurit të shprehnin vullnetin e tyre.
Ishte pikërisht kutia e burgut që i dha dhe fitores kandidatit të PS në këtë zonë, Edison Memolla, i cili fitoi me 5129 vota krah 5108 votave të Shkëlqim Hoxhës nga koalicioni ‘Bashkë Fitojmë’.
Advertisement
