Redjan Hadëri, një ndër autorët e dyshuar të plagosjes së biznesmenit Spiro Iljadhi në Sarandë, u la këtë të mërkurë në burg.
Gjykata e Shkallës së Parë Sarandë caktoi masën e sigurisë “Arrest me burg” për të, ndërsa dy vëllezërit Visi dhe Andrea Caushi janë ende në kërkim.
Advertisement
Në bashkëpunim me njëri-tjetrin, ata akuzohen se kanë qëlluar me breshëri drejt Spiro Iljadhit, duke e lënë të plagosur, pas një konflikti të çastit. Nga ngjarja u plagos edhe një pushues, që ndodhej aty.
Para trupit gjykues ka dalë edhe Luan Obzova, i cili u arrestua në tentativë për të djegur lokalin në pronësi të Spiro Iljadhit. Ndaj tij gjykata ka caktuar masën e sigurisë “Arrest shtëpie”.
Advertisement
