Kryeministri Edi Rama po mban një konferencë për mediat lidhur me situatën në Ukrainë, pas Samitit të Jashtëzakonshëm të NATO-s.
Rama u shpreh se po ndjek me keqardhje zhvillimet në Ukrainë. Ai theksoi se situata është tragjike ndërsa është goditur themeli i politikës ndërkombëtare, e drejta dhe ligji.
Rama tha se Shqipëria nuk ka varësi të konsiderueshme ekonomike apo tregtare me Rusinë por nuk është tërësisht pa lidhje të kësaj natyre. Ai tha se kjo krizë ka sjellë rritje të çmimeve të energjisë.
“Sot në Samit është kurorëzuar një punë dhe komunikim intensive. Sekretari i Përgjithshëm i ka bërë me dije detajet e samitit. M’u duk e udhës të mbanim këtë konferencë për të folur për implikimet e kësaj lufte mbi Shqipërinë që ndryshe nga shumë vendet e tjera të NATO, varësira të konsiderueshme ekonomike apo tregtare me Rusinë. Por nuk është krejt pa lidhje të kësaj natyre, qoftë me Rusinë apo edhe Ukrainën që urojmë dhe shpresojmë që të kthehet në normalitet por faktikisht është shumë larg sot nga normaliteti.
AdvertisementSot është më e qartë se dje ajo që ka filluar të ndjehet muaj më parë me krizën e çmimeve të energjisë, me rritjen eksponenciale të çmimeve të gazit në bursat ndërkombëtare apo me rritjen e shpejtë të çmimit të naftës gjë që i ka pararendur këtij momenti si erë drithëruese në shpinën e shteteve. Ka një valë inflacioni të shoqëruar me rritjen e çmimeve në tërësi si pasojë e rikthimit të ekonomisë pas mbylljes dhe shtrëngimit të madh nga pandemia. Ne jemi i vetmi vend apo me ndonjë përjashtim, që nuk e kemi prekur çmimin e energjisë”, tha ai.
