Gjatë bashkëbisedimit me gazetarët nga Selia e PD, Sali Berisha u pyet edhe për zgjedhjet lokale të vitit të ardhshëm dhe sidomos për garën në Tiranë.
Lideri i demokratave tha se sot ka një luftë të ashpër në PS mes Ramës dhe Veliajt që po fitohet nga ky i fundit.
Përsa i përket betejës brenda PS-së, ajo është betejë për jetë a vdekje mes Erion Veliajt dhe Edi Ramës.Deri tani këtë betejë po e fiton Erion Veliaj. Ne i konsiderojmë ata si të keqen më të madhe të këtij vendi.
Duke u ndalur tek tentativat për të bashkuar dy grupimet e demokrateve, Sali Berisha tha se bashkimi i PD ka të hapur çdo opsion.
Bashkimi i PD ka të hapur çdo opsion. Ky është qëndrimi i Berishës, pa asnjë lloj diskriminimi përveç një rasti të veçantë, që duhet të sqarohet dhe kaq.
