Universiteti i Arteve shënon 60-vjetorin e krijimit të tij. Në kuadër të këtij përvjetori ministrja Elva Margariti ka shpallur Fondin e Krijimtarisë për të Rinjtë në muzikë. Një nismë synon nxitjen dhe mbështetjen e krijimtarisë së studentëve.
ELVA MARGARITI
MINISTRE E KULTURES
“Jam sot për të ndarë me ju lajmin që ministria e kulturës do të mbështesë një tjetër fond krijimtarie. Kësaj radhe fondin e krijimtarisë për muzikë. Do të jetë pikërisht fondi “Çesk Zadeja”. Ashtu siç kemi bërë për fondin e letërsisë edhe ashtu siç vazhdojmë edhe gjejmë mënyrat tona të mbështetur të rinjtë. Ky ishte ndoshta një fond i munguar, një fond i cili i bashkohet mbështetjeve në vazhdim të këtij universiteti.”
Pas dy viteve të vështira për shkak të pandemisë, ministrja e ka vënë theksin në promovimin e vlerave kulturore nga çdo i ri.
ELVA MARGARITI
MINISTRE E KULTURES
“Do mbështetim më tepër artizanat, do mbështesim më tepër promovimin e artit dhe kulturës nëpërmjet teknologjisë dhe kjo është një thirrje e mirë edhe për të rinj. Edhe për ata të rinj që nuk janë artistë, që nuk janë studentë të kësaj shkollë, por që i bashkohen sektorit të artit dhe kulturës.”
Ky fond, vjen dhe si nderim ndaj muzikantit të njohur Çesk Zadeja dhe do të kthehet në një traditë të përvitshme.
