Media britanike takon ‘Luanin’ nga Vlora: Fiton qindra mijëra paund duke kaluar emigrantë me gomone

Pinterest LinkedIn Tumblr +
Media britanike takon ‘Luanin’ nga Vlora: Fiton qindra mijëra paund duke kaluar emigrantë me gomone

Deputetët britanikë kanë kërkuar dje veprime urgjente për të “shtrënguar” rrjetet e kontrabandës me gomone, por jo vetëm, që sigurojnë miliona paund në javë.

 

Thirrjet erdhën pasi një hetim i fshehtë në Daily Mail, ekspozoi një gangster shqiptar që drejtonte hapur kontrabandën në qytetin Dunkirk të Francës.

 

Advertisement

I quajtur “Luani i Artë”, shqiptari fiton rreth 1 milion paund në javë duke dërguar emigrantë në Britani me gomone. Media publikon pamjet e tij, gjatë një regjistrimi të fshehtë, ndërsa nuk bëhet me dije emri i tij.

 

Ai u tha gazetarëve që e takuan si klientë, se mund t’i merrte për 4500 £ secili dhe premtoi se autoritetet britanike do t’u jepnin ushqim, batanije dhe gjithçka që u nevojitej përpara se t’i vendosnin në një hotel.

 

Advertisement

“Pas kësaj, ju mund të shkoni ku të doni,” tha ai.

 

Shqiptari është kapur nga policia franceze disa orë pasi u takua me gazetarët e infiltruar – vetëm për t’u liruar mëngjesin tjetër. “Ai është vetëm një nga shumë anëtar bandash të organizuara trafikimi që gjetëm në Francën veriore – njëra prej të cilave ka 600 njerëz në një listë pritjeje për vende në varka të vogla”, thotë Daily Mail.

 

Advertisement

Më shumë se 32,000 emigrantë kanë kaluar Kanalin Anglez me varka të vogla deri më tani gjatë këtij viti – më shumë se sa kanë kaluar gjatë gjithë vitit 2021. Shqiptarët përbënin rreth 60 përqind të tyre.

Share.

Comments are closed.

Copyright © 2023 Struga.info | Privacy policy