Në Greqi është regjistruar viktima e parë i cili rezultonte i vaksinuar me të dyja dozat, madje nuk kishte asnjë sëmundje bashkëshoqëruese.
Lajmi u konfirmua nga drejtori i repartit të reanimacionit të spitalit Papanikolau të Selanikut, Nikos Kapravelos mëngjesin e sotëm.
“Ky është rasti i parë që spitali ynë ka parë që kur kanë filluar vaksinimet. Ai kishte pneumoni të rëndë. Ai kishte bërë vaksinën Pfizer dhe nuk kishte asnjë sëmundje bashkëshoqëruese”, tha Kapravelos.
70-vjeçari kishte marrë të dyja dozat e vaksinës Pfizer, por sërish u infektua me Covid-19 dhe kaloi një pneumoni të rëndë ku fatkeqësisht pas 3 javëve nuk mundi të mbijetojë.
“Akili nuk mundi ta fitonte betejën me Covid-19. Edhe pse i vaksinuar me të dyja dozat, ai humbi jetën pas një beteje tre javore në njësinë e kujdesit intensiv të ppitalit të Selanikut”, shkruajti një i afërmi i tij në Facebook.
Autoritetet shëndetësore janë të shqetësuara për faktin se Greqia renditet në vend të dytë në BE që nga shkurti deri në qershor të këtij viti sa i përket vdekshmërisë në periudhën e pandemisë, në këto muaj në raport me numrin e popullsisë.
Në 24 orët e fundit, përsëri Greqia regjistroi 3,270 raste të infektuara, 236 të intubuar dhe 24 viktima nga Covid-19.
