Operacioni policor “Madrid” i zhvilluar nga Seksioni i Kërkimit në DVP Tiranë dhe Interpol Tirana ka vendosur në pranga ditën e sotme 56-vjeçarin Nikolin Janina.
Janina banues në Tiranë, ndodhej në kërkim ndërkombëtar për akuzën ‘Trafik të lëndëve narkotike’.
Pas arrestimit 56-vjeçari do të ekstradohet drejt Spanjës ku edhe do të kryejë dënimin për veprën penale.
Njoftimi:
Vijojnë operacionet per kapjen e personave në kërkim ndërkombëtar.
Finalizohet operacioni policor i koduar “Madrid”, në kuadër të të cilit u kap një person i shpallur në kërkim ndërkombëtar.
Operacioni policor, i zhvilluar nga Seksioni i Kërkimit në DVP Tiranë dhe Interpol Tirana.
AdvertisementVihet në pranga, me qëllim ekstradimi, 1 shtetas i shpallur në kërkim ndërkombëtar për veprën penale “Trafikimi i lëndëve narkotike”.
Shërbimet e Seksionit të Kërkimit, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, bënë kapjen dhe arrestimin provizor, me qëllim ekstradimin drejt Spanjës, të shtetasit:
N. J., 56 vjeç, banues në Tiranë.
Ky shtetas ishte shpallur në kërkim ndërkombëtar, pasi autoritetet gjyqësore në Spanjë, kanë lëshuar urdhër arresti ndërkombëtar, për veprën penale “Trafikimi i lëndëve narkotike”, parashikuar nga Kodi Penal i Spanjës.
AdvertisementInterpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e këtij shtetasi.
