Marklen Haka, i shpallur në kërkim për dosjen “Revanshi” nga SPAK dhe i akuzuar për vrasje e mbetur në tentativë ndaj Durim Bamit, është arrestuar në Dubai.
Vizion Plus mëson se Policisë së Shtetit i ka ardhur një informacion nga Dubai për ndalimin e një personi që dyshohet se është Marklen Haka.
Policia i ka dërguar të dhënat homologëve në Dubai për të bërë krahasimet nëse është ai, apo tjetër person.
Marklen Haka është një emër i njohur për drejtësinë shqiptare, pasi është i akuzuar për shumë ngjarje kriminale, për vrasje e mbetur në tentativë ndaj Durim Bamit, pjesëmarrje në grup kriminal dhe armëmbajtje pa leje.
Mariglen Haka ka përfunduar për herë të parë në pranga kur ishte 20 vjeç, i dyshuar për një vepër të rëndë penale, atë të vrasjes.
Më 12 shtator të vitit 2018, Mariglen Haka u arrestua bashkë me të atin e dy persona të tjerë, në operacion e bujshëm, gjatë të cilit forcat speciale rrethuan Niklën dhe disa fshatra të tjera të Krujës. Në lidhje me këtë arrestim, Haka u dënua me 1 vit heqje lirie.
