Nga të rikthyerit në parti te ndryshimet statutore/ Nesër mblidhet Kuvendi Kombëtar i PD

Në Kuvendin Kombëtar të Partisë Demokratike, thirrur nga Komisioni i Rithemelimit, e që do të mbahet të shtunën, do të marrin pjesë 1 mijë e 100 delegatë të zgjedhur nga degët e PD në të gjithë Shqipërinë.

Të pranishmë do të jenë edhe anëtarët e Këshillit Kombëtar, si dhe delegatët e rinisë dhe gruas. Për pasojë, numri shkon në 1800 delegatë.

Do të flasin 20 figura që kanë dhënë kontribute në PD, prej të cilëve ka edhe nga ata që kanë pranuar ftesën e Berishës për rikthim në parti.

Parashikohet që votimi për anëtarët e rinj të Këshillit Kombëtar të nisë në orën 13:00.

Kuvendi do të propozojë ndryshime statutore dhe do të votojë për Këshillin e ri Kombëtar.