Sot nis zyrtarisht fushata elektorale për 5 bashkitë ku do të zhvillohen zgjedhje në datën 9 nëntor; Vlorë, Berat, Tepelenë, Cërrik dhe Mat.
Rreth 308 mijë qytetare në 5 njësitë e qeverisjes vendore do të zgjedhin të dielën e 9 nëntorit kryetarët e rinj të bashkive.
13 kandidatë garojnë në këto zgjedhje të pjesshme; PS ka prezantuar 5 kandidatë, PD së bashku me aleatët e saj kanë zgjehdur të marrin pjesë në betejën elektorale të 9 nëntorit me kandidatë të pavaruar në të gjitha bashkitë, “Shqipëria Bëhet” ka kandidatin e saj në bashkinë e Cërrikut; në Vlorë garon një kandidat i pavarur, Gjergji Nika dhe në Mat garon e pavarur Suzana Pasha.
Në këto zgjedhje janë regjistruar 6 parti politike; përveç PS dhe PD janë regjistruar edhe Partia e Lirisë, LZHK, Lëvizja e Legalitetit dhe Shqipëria Behet.
Në zgjedhjet e 9 nëntorit votohet vetëm për kryetarët e bashkive, mandati i të cilëve do të jetë vetëm një vit e gjysmë, derisa të mbahen zgjedhjet lokale në pranverën e vitit 2027.
Vakancat në 3 bashki: Mat, Berat dhe Tepelenë u krijuan në pranverë, pasi 3 drejtuesit e këtyre njësive vendore dhanë dorëheqjen dhe garuan për deputetë për PS.
Vakanca në Vlorë u krijua pas dorëheqjes së ish-kreut të bashkisë Ermal Dredha, ndërsa kryebashkiaku i Cërrikut Andi Salla dha dorëheqjen pasi mori detyrën e ministrit të Bujqësisë./vizionplus.tv
