Një aplikacion për diasporën/ KQZ propozon formulën që mundëson votën e emigrantëve

Pinterest LinkedIn Tumblr +
Një aplikacion për diasporën/ KQZ propozon formulën që mundëson votën e emigrantëve

KQZ hedh hapin e parë për mundësimin e votës së diasporës.

Tre vite nga parlamentaret e 2025, Komisioni Qendror i Zgjedhjeve propozon rregullin e parë për mundësimin e votës së diasporës. Që të gjithë shqiptarët që jetojnë jashtë vendit të shprehin vullnetin e tyre politik nga aty ku janë fillimisht do të duhet të regjistrohen.

Advertisement

Komisioneri shtetëror Ilirjan Celibashi propozon që të jetë KQZ ajo që ta administrojë këtë procedurë. Mënyrat janë dy: përmes faqes zyrtare të saj ose përmes një aplikacioni të dedikuar.

Pa qenë e nevojshme të kthehen në atdhe, përmes teknologjisë, votuesi jashtë vendit do të duhet të plotësojë formularin elektronik me të gjitha gjeneralitetet, ku pika kryesore është deklarimi i vendbanimit të përhershëm.

Advertisement

Pasi Komisioni Qendror i Zgjedhjeve vërteton të dhënat dhe vullnetin për të marrë pjesë në zgjedhje, ato ia dërgon Drejtorisë së Përgjithshme të Gjendjes Civile. Me bërjen e përputhshmërisë, nga ky çast zgjedhësi zhvishet nga çdo pengesë për të votuar nga jashtë.

Emri i tij vendoset në listën e posaçme të votuesve nga jashtë dhe fshihet nga lista e zgjedhësve brenda vendit.

Advertisement

E gjithë procedura e regjistrimit të diasporës që sipas projektvendimit kërkon miratimin e Komisionit Rregullator, nis 15 ditë nga shpallja e datës së zgjedhjeve. Të drejtën e votës nga jashtë e zotërojnë të gjithë ata shqiptarë që prej më shumë se tre muajsh jetojnë jashtë vendit.

Mënyra e regjistrimit është hapi i parë. Ajo që pritet të shkaktojë debat mes partive politike pritet të jetë mënyra e votimit, me postë, elektronik, në selitë diplomatike dhe garancia për mostjetërsimin e vullnetit politik të diasporës.

Advertisement
Share.

Comments are closed.

Copyright © 2022 Struga.info | Privacy policy