Njoftim i rëndësishëm/ Greqia hap kufirin për punëtorët sezonal nga Shqipëria

Pinterest LinkedIn Tumblr +
Njoftim i rëndësishëm/ Greqia hap kufirin për punëtorët sezonal nga Shqipëria

Drejtoria Vendore e Kufirit dhe Migracionit Korçë ka dhënë një njoftim të rëndësishëm për të gjithë shtetasit shqiptarë të cilët punojnë në punë sezonale në Greqi, por që nuk kishin kaluar dot kufirin për muaj e muaj me radhë për shkak të pandemisë.

 

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se duke filluar nga dita e sotme, deri në datën 31.05.2021, nga ora 08:00-16:00, do të lejohet hyrja e shtetasve shqiptarë në drejtim të Greqisë, të cilët mbajnë statusin e punëtorit sezonal. Këta shtetas më parë, do t’i nënshtrohen një testi të shpejtë COVID-19, në Pikën e Kalimit Kufitar Kapshticë.

 

Advertisement

Sqarojmë se kuota ditore e pranimit është 400 persona, të cilët gjithashtu duhet të plotësojnë formularin e regjistrimit PLF në adresën http://www.travel.gov.gr dhe pasi të kenë marrë konfirmimin, mund të lejohen që të hyjnë në tokën greke.Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qendrimi, shtetas grekë apo europianë të tjerë). Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.

Share.

Comments are closed.

Copyright © 2023 Struga.info | Privacy policy