“Nuk i besoj, fjalët i merr era”/ Banorët e “5 Majit” pas takimit me Ramën: Nuk na dëgjoi fare

Pinterest LinkedIn Tumblr +
“Nuk i besoj, fjalët i merr era”/ Banorët e “5 Majit” pas takimit me Ramën: Nuk na dëgjoi fare

Tre përfaqësuesit e banorëve të “5 Majit” që diskutuan me kryeministrin Edi Rama lidhur me çështjen e banesave në këtë zonë, kanë dalë të pakënaqur nga takimi.

 

E moshuara, e cila u ftua nga kreu i qeverisë për të biseduar, tregoi se nuk u arrit asgjë në ballafaqimin që patën me të.

 

Advertisement

“Nuk besoj mor gjallë, i merr era. S’kam për të dalë nga shtëpia. Kontratën nuk e kam marrë. Dua kontratën me bashkinë, me vulë, me noter. Atëherë ulem unë. Kur ta firmosë kryebashkiaku. Nuk e fal se nuk kam mundësi, I kam falur boll. I dua të gjitha metrat katrorë. Unë vilë e kam pasur. S’i kërkova vilë, por siç e kam pasur. E kam pasur në proces legalizimi. Kontratën do e firmos kur të vijë kryetari i Bashkisë, ai e vendos. S’ka asnjë afat, asnjë garanci. Se kur do bëhet pallati se dimë. Kryeministri thotë; do e merrni. Por kur do e marrim? S’kemi marrë asnjë garanci.”, tha ajo.

 

Një tjetër banor u shpreh për mediat se kryeministri nuk e dëgjoi rastin e tij.

 

Advertisement

“Nuk më linte të flas, kemi të drejtë të mbrojmë pronat tona. Nuk më linte të flas, më thoshte ti e ke të mbaruar çështjen, por unë nuk e kam të mbaruar, i thashë ose nuk vini me avokat që të firmosin dokumentet. ai na thoshte “pusho”, i thashë që kam të drejtën e fjalën, se është e drejta e njeriut.”

Share.

Comments are closed.

Copyright © 2023 Struga.info | Privacy policy