“O kriminel”/ Rama mes protestuesve të “5 Majit”, fton disa banorë për të diskutuar

Sikundër kishin paralajmëruar, banorë të lagjes “5 Maji”, janë mbledhur para Kuvendit, për të protestuar kundër shembjes së ndërtesave të tyre.

Ndërsa kryeministi Edi Rama po futej në sallën e Kuvendit, ai ndaloi dhe u përball me protestuesit, të cilët i kanë kërkuar që të mos prishen shtëpitë.

Kreu i qeverisë kërkoi që të zhvillojë një bisedë me banorët, duke ftuar disa prej tyre.

Shembja e banesave në këtë zonë bëhet në kuadër të një projekti për ndërtimin e një kompleksi pallatesh, por edhe nga projekti për zgjerimin e Unazës së Madhe, ku do të strehohen familjet e prekura nga tërmeti i 26 nëntorit të vitit 2019.

Të revoltuar, banorët i kanë bërtitur “o kriminel, duam përgjigje”.